دليل ٢٠٢٦ · التنفيذ
مراحل تشطيب الشقة بالترتيب والمدة
أغلب مشاكل التشطيب سببها الترتيب الغلط: سيراميك قبل اختبار العزل، دهان قبل الجبس، أو أبواب بتتطلب متأخر. ده الترتيب الصح، وإيه اللي لازم يخلص قبل كل مرحلة، وتستلم إيه قبل ما تكمّل.
آخر تحديث للأسعار: نفس محرك تطبيق تشطيبىشقة ١٥٠ م² على الطوب: ١٢–١٦ أسبوع
١٢–١٦ أسبوعشقة ١٥٠ م² من الطوب الأحمر لحد الاستلام · تشطيب متوسط
تشطيب شقة ١٥٠ متر من الطوب الأحمر بياخد حوالي ١٢–١٦ أسبوع (٨١ يوم عمل) بفريق واحد لكل بند، و٩–١٣ أسبوع لو متسلمة محارة، و٧–١٠ أسبوع لو نص تشطيب. الترتيب: تأسيس كهرباء وسباكة ← محارة ← جبس ← سيراميك ورخام ← دهانات ← ألوميتال وأبواب ← تشطيب كهرباء وسباكة ← استلام.
الجدول من محرك تشطيبى · ٦ أيام عمل في الأسبوعالجدول الزمني لشقة ١٥٠ متر
مراحل كتير بتمشي بالتوازي: الدهانات بتبدأ بالمعجون والسيلر أثناء السيراميك، والألوميتال والأبواب بيتصنعوا في الورشة من بدري وبيتركبوا بعد السيراميك.
تأسيس الكهرباءأسبوع ١–٢ · ٧ يوم عمل
تأسيس السباكة والعزلأسبوع ١–٢ · ٧ يوم عمل
المحارةأسبوع ٣–٥ · ١٥ يوم عمل
الجبس بورد والكرانيشأسبوع ٥–٧ · ١٠ يوم عمل
السيراميك والبورسلينأسبوع ٦–١٠ · ٢١ يوم عمل
الرخامأسبوع ١٠ · ٤ يوم عمل
الدهاناتأسبوع ٨–١٢ · ٢٣ يوم عمل
الألوميتالأسبوع ١٠–١١ · ٤ يوم عمل · تصنيع خارج الموقع
الأبوابأسبوع ١٠–١١ · ٥ يوم عمل · تصنيع خارج الموقع
تشطيب الكهرباءأسبوع ١٢–١٣ · ٥ يوم عمل
تركيب الأطقم الصحيةأسبوع ١٢–١٣ · ٤ يوم عمل
شغل في الموقعتصنيع خارج الموقع ثم تركيب
الجدول لفريق واحد لكل بند. الإجمالي ٨١ يوم عمل منهم ٣ أيام تنظيف واستلام، يعني حوالي ٣ شهور. فرق إضافية بتقصّر المدة، وتأخير اختيار الخامات بيطوّلها.
المراحل بالترتيب، وتستلم إيه في كل مرحلة
١التصميم والحصر قبل أي شغلحدد أماكن الأجهزة والإضاءة والمطبخ والتكييفات واختار الخامات. تستلم: مخطط كهرباء وسباكة معتمد وحصر كميات.
٢تأسيس الكهرباء والسباكةخراطيم وعلب ومواسير تغذية وصرف وصرف تكييفات. يعتمد على: المخطط النهائي. تستلم: اختبار ضغط للمواسير، ومقاطع أسلاك مناسبة للأحمال، وصور للمسارات.
٣المحارة (للشقق على الطوب)طرطشة وبؤج وأوتار ثم بطانة وضهارة. يعتمد على: خلاص التأسيس. تستلم: استقامة الحوائط بالقدّة والزوايا القايمة، ووقت كافي للتشرّب والجفاف.
٤العزل واختبار الغمرعزل أرضيات الحمامات والمطبخ ويطلع على الحوائط. تستلم: اختبار غمر ٢٤–٤٨ ساعة من غير أي تسريب قبل السيراميك.
٥الجبس بورد والكرانيشيعتمد على: المحارة ونقاط الإضاءة وصرف التكييفات. تستلم: المناسيب والفواصل وفتحات الصيانة للتكييفات.
٦السيراميك والبورسلين والرخاميعتمد على: العزل والجبس (عشان التراب). تستلم: المناسيب والميول ناحية البلاعات، واستقامة اللحامات، والخبط على البلاط للتأكد إنه مش مفرّغ.
٧الدهاناتمعجون وسيلر أثناء السيراميك، والوش الأخير بعد تركيب الأبواب والألوميتال. تستلم: سطح مستوي من غير تموجات تحت الإضاءة الجانبية.
٨الألوميتال والأبواببيتصنعوا من بدري في الورشة وبيتركبوا بعد السيراميك. تستلم: الإحكام وسهولة الفتح والقفل والكوالين.
٩تشطيب الكهرباء والسباكةبرايز ومفاتيح ولوحة وأطقم صحية وخلاطات. تستلم: تجربة كل دائرة وقاطع التسريب، واختبار تسريب لكل نقطة مية.
١٠التنظيف والاستلامنظافة نهائية وقائمة ملاحظات (Snag list) يتصلّح كل بند فيها قبل آخر دفعة.
المدة حسب حالة الوحدة
| حالة الوحدة | المدة | أيام عمل | التكلفة |
|---|---|---|---|
| طوب أحمر | ١٢–١٦ أسبوع | ٨١ | ٧٧٤٬١٤٤ |
| محارة | ٩–١٣ أسبوع | ٦٤ | ٦٩٢٬٤٨١ |
| نص تشطيب | ٧–١٠ أسبوع | ٥٢ | ٥٣٦٬٩٣٣ |
| تشطيب قديم (تجديد) | ١٠–١٤ أسبوع | ٧٣ | ٧٣٤٬١٠٤ |
أسئلة شائعة
إيه ترتيب مراحل تشطيب الشقة؟
تأسيس الكهرباء والسباكة، المحارة، العزل واختبار الغمر، الجبس، السيراميك والرخام، الدهانات، الألوميتال والأبواب، تشطيب الكهرباء والسباكة، وبعدين الاستلام.
تشطيب شقة ١٥٠ متر بياخد قد إيه؟
حوالي ٩–١٣ أسبوع لو متسلمة محارة، و١٢–١٦ أسبوع من الطوب الأحمر، بفريق واحد لكل بند.
الجبس قبل السيراميك ولا بعده؟
قبله. الجبس بيعمل تراب وقطع، ولو اتعمل بعد السيراميك ممكن يخدشه أو يبهدله.
الدهان قبل الأبواب ولا بعدها؟
المعجون والوشوش الأولى قبل، والوش الأخير بعد تركيب الأبواب والألوميتال عشان أي خدوش من التركيب تتغطى.
أقصّر المدة إزاي؟
اختار كل الخامات قبل البداية، اطلب الألوميتال والأبواب والمطبخ بدري، وشغّل فرق متوازية في الغرف المختلفة.
احسب مشروعك أنت بالظبط
نفس المحرك اللي طلّع الأرقام دي، بمساحتك وغرفك والمستوى اللي تختاره — الإجمالي مجاناً وبدون تسجيل.