قدّر تكلفة مشروعك قبل ما تتعاقد.

الأرقام متوسطات سوق تقديرية للقاهرة أو الرياض، محسوبة من كميات وحدتك الفعلية وأسعار الخامات المحدّثة. هي أساس ممتاز للتفاوض والميزانية، لكنها ليست عرض سعر من مقاول — راجع المورد المحلي قبل التعاقد.

الحاسبة مجانية وبدون تسجيل وبتديك الإجمالي التقديري على الموقع والتطبيق. تكلفة المتر وتوزيع التكلفة على الحِرف، واستوديو المخطط (قراءة المخطط وحساب التكلفة والصور)، والمدة المتوقعة للتشطيب، والحصر الكامل بند ببند، وتعديل الأسعار وتصدير PDF — كلها لمشتركي بريميوم بحساب واحد (بالبريد أو Apple أو Google) يشتغل على الموقع وiPhone وAndroid. الإنترنت مطلوب لتحديث الأسعار، وآخر أسعار محفوظة على جهازك عشان الحاسبة تشتغل بدون إنترنت.

كل مستوى بيغيّر الخامات ونسبة التشطيب: الاقتصادي بسيراميك وخشب موسكي وباب صيني، المتوسط ببورسلين وخشب عزيزي وباب تركي، الفاخر بمقاسات أكبر وخشب أرو، والألترا برخام وأعلى المواصفات.

متوسطات سوق القاهرة (بالجنيه) والرياض (بالريال) يجمعها ويحدّثها فريق تشطيبى دورياً من الموردين والمعارض والمقاولين، وتتزامن مع التطبيق تلقائياً. تقدر تشوفها كاملة في صفحة الأسعار.

الحصر الكامل بند ببند، تعديل الكميات وأسعار الوحدات، أسعار خامات مخصّصة، تصدير PDF، ومقارنة المستويات، والمدة المتوقعة للتشطيب بند ببند — واستوديو المخطط بالذكاء الاصطناعي مع ٣ صور مجانية كل شهر. بتشترك من تطبيق iPhone أو الماك (App Store) أو أندرويد (Google Play)، أو من الموقع وتطبيق ويندوز بالدولار أو بالجنيه، وبيشتغل على كل أجهزتك بحساب واحد. التجديد بيختلف حسب طريقة الدفع — شوف السؤال اللي بعده.

حسب طريقة الدفع. من App Store (iPhone والماك) أو Google Play: اشتراك شهري بيتجدد تلقائياً، وبتلغيه من إعدادات المتجر. على الموقع أو تطبيق ويندوز بالدولار (كارت دولي): اشتراك شهري بيتجدد تلقائياً، وبتوقف التجديد في أي وقت بزر «إيقاف التجديد» في صفحة حسابك. على الموقع أو تطبيق ويندوز بالجنيه المصري (Paymob — فودافون كاش والمحافظ وكروت ميزة وفيزا وماستركارد): مدة مدفوعة مقدماً لشهر أو ٣ شهور أو سنة ومش بتتجدد تلقائياً، فمفيش حاجة تلغيها — بنبعتلك إيميل قبل ما تخلص وتقدر تمدّها في أي وقت. في كل الحالات المميزات بتفضل شغّالة لآخر يوم في الفترة المدفوعة.

ارفع صورة مخطط وحدتك (أو PDF أو تصويرة بالكاميرا)، والذكاء الاصطناعي يقرأ الغرف ويقيسها ويحسب تكلفة التشطيب بنفس محرك الحاسبة، ويرسم كل غرفة صورة واقعية بالطراز اللي تختاره. الاستوديو ضمن اشتراك بريميوم، ومعاه ٣ صور مجاناً كل شهر؛ لو محتاج صور أكتر تشتري باقة: صورة واحدة، أو ٣ صور، أو المخطط كامل (١٠ صور). شغّال على الموقع وiPhone وAndroid وويندوز وماك بنفس الحساب.

بفريق واحد لكل بند وشغل متواصل ٦ أيام في الأسبوع، شقة ١٥٠ م² تشطيب متوسط بتاخد عادةً من ٩ إلى ١٣ أسبوع (حوالي ٢٫٥ شهر): تأسيس الكهرباء والسباكة أسبوعين، الجبس أسبوعين، التبليط ٣ أسابيع ونص، الدهانات ٤ أسابيع مع التجفيف، ثم الألوميتال والأبواب والتشطيبات. الاقتصادي أسرع شوية، والفاخر والألترا بيوصلوا لـ٣–٤ شهور. مع بريميوم بتشوف الجدول الزمني لشقتك أنت بند ببند في الحاسبة والتطبيق.

أيوه. تختار نوع الوحدة من ١٠ أنواع — شقة، فيلا، تاون هاوس، توين هاوس، استوديو، مكتب، محل، مطعم، عيادة أو صيدلية — والحاسبة بتملأ المساحات النموذجية وتضيف البنود الخاصة بكل نوع: رخام السلالم وتشطيب المدخل للفلل والتاون هاوس، واجهة زجاج وتجهيز للمحلات، أرضيات مقاومة وشفاطات للمطاعم، وتجهيزات العيادات والصيدليات والمكاتب. نفس الأسعار ونفس النتيجة على الموقع وiPhone وAndroid.

اختار حالة الوحدة الحالية: طوب أحمر (بنضيف المحارة كاملة)، محارة فقط، نصف تشطيب (المحارة وتأسيس الكهرباء والسباكة موجودين فبنشيلهم من الحساب)، تشطيب قديم (بنضيف التكسير والإزالة ونقل المخلفات قبل التجديد)، أو جاهزة تحتاج فرش (بنحسب تجديد الدهانات بس مع المطبخ والتكييف والفرش اللي تختارها). والمدة المتوقعة للتشطيب بتتغير كمان حسب الحالة.

أيوه، حسب الخدمة اللي تختارها: تشطيب فقط، تشطيب + مطبخ، تشطيب + فرش، جاهز للسكن بالكامل، أو تجهيز استثماري للإيجار. المطبخ بالمتر الطولي حسب الخامة (MDF أو HPL أو أكريليك أو خشب طبيعي أو مستورد) ومعاه الرخامة، والتكييف ١–٢ أو ٣–٥ وحدات سبليت أو مركزي بالمتر، والفرش أساسي أو كامل أو فاخر أو ألترا لوكس. الجاهز للسكن بيضيف الأجهزة والإضاءة والستائر، والإيجار بيضيف تجهيزات الضيافة. البنود دي بتظهر منفصلة عن أعمال التشطيب ومش داخلة في نسبة مستوى التشطيب، والفرش والأجهزة مش عليهم نسبة إشراف.

على كل أجهزتك بحساب واحد: iPhone وiPad من App Store، أندرويد من Google Play، الكمبيوتر بويندوز من Microsoft Store، والماك من Mac App Store — وكمان على الموقع من أي متصفح. نفس محرك الحساب ونفس أسعار السوق، ومخططاتك وصورك واشتراكك متزامنين بين الأجهزة.