احسب تكلفة تشطيب شقتك في مصر

أرقام سريعة قبل ما تحسب

الإجمالي شامل ١٥٪ إشراف هندسي، لوحدات نموذجية على المحارة بأسعار القاهرة. اضغط على أي مساحة في الحاسبة فوق عشان تعدّل التفاصيل.

إزاي تستخدم الحاسبة

الفرق بين المستويات الأربعة

المستوى بيغيّر الخامات مش الكميات: نفس الأمتار ونفس عدد النقاط، لكن السيراميك بيبقى بورسلين، والخشب الموسكي بيبقى عزيزي أو أرو، والباب الصيني بيبقى تركي، والأطقم الصحية بتطلع درجة. عشان كده الفرق بين الاقتصادي والألترا بيوصل لحوالي ٧٠٪ على نفس الشقة.

إيه اللي داخل في الرقم وإيه اللي مش داخل

الرقم بيغطي أعمال التشطيب الكاملة لوحدة على المحارة (نص تشطيب): تأسيس وتشطيب الكهرباء، تأسيس وتشطيب السباكة مع الأطقم الصحية والخلاطات، التبليط بالسيراميك أو البورسلين، الجبس والجيبسم بورد، الألوميتال، الدهانات، الحلوق والأبواب الخشب وباب الشقة، والرخام. كل بند محسوب بالكمية وسعر الوحدة، ومضاف عليه ١٥٪ إشراف هندسي ومصنعيات إدارية زي ما بيحصل مع المقاول.

الرقم الافتراضي (تشطيب فقط لشقة على المحارة) ما بيشملش المحارة ووحدات المطبخ والتكييفات والفرش — لكن تقدر تضيفهم من الحاسبة نفسها: اختار «طوب أحمر» في حالة الوحدة عشان تنضاف المحارة، أو «تشطيب قديم» عشان ينضاف التكسير ونقل المخلفات، واختار خدمة «تشطيب + مطبخ» أو «تشطيب + فرش» أو «جاهز للسكن» أو «تجهيز للإيجار» عشان ينضاف المطبخ والتكييف والفرش والأجهزة. وكمان تقدر تختار نوع الوحدة (فيلا، مكتب، محل، مطعم، عيادة…) ونوع الأسقف. الأعمال الإنشائية وتعديل الحوائط مش داخلين.

إزاي بنحسب الرقم

تشطيبى ما بيعملش «متوسط للمتر» وخلاص. المحرك بياخد مساحة الوحدة وعدد الغرف والحمامات والمطابخ والبلكونات، ويحوّلهم لكميات فعلية: متر مربع أرضيات وحوائط، عدد نقاط كهرباء وبرايز، أمتار مواسير، عدد أبواب وشبابيك… وبعدين بيضرب كل كمية في سعر السوق الحالي للخامة والمصنعية.

الأسعار متوسطات سوق القاهرة بيجمعها فريق تشطيبى ويحدّثها دورياً في قاعدة أسعار تشطيبى، ونفس الأسعار بتتزامن مع التطبيق والموقع. آخر تحديث: ١٠ نوفمبر ٢٠٢٦. الأرقام في الصفحة دي بتتحدّث تلقائياً مع كل تحديث للأسعار.

الأرقام متوسطات تقديرية للاسترشاد والميزانية والتفاوض — مش عرض سعر من مقاول. السعر الفعلي بيختلف حسب حالة الوحدة والماركات اللي بتختارها والمنطقة والتوقيت.

أسئلة شائعة

اقرأ كمان